Guðlaugssundið hefur verið synt árlega frá árinu 1985 til að minnast björgunarafreks Guðlaugs Friðþórssonar sem synti til lands eftir að báturinn Hellisey fórst um 6 km frá landi, þann 11. mars 1984. Það voru nemendur Stýrimannaskólans í Vestmannaeyjum sem þreyttu sundið og gerðu hinn 12. mars á hverju ári til 1999 að skólinn var lagður niður. Sundið féll niður árið eftir en Friðrik Ásmundsson, fyrrverandi skólastjóri, sá um að endurvekja það.

Frá árinu 2005 var byrjað að synda Guðlaugssundið “uppi á landi”, en Kristján Gíslason og Pétur Stephensen hafa staðið fyrir því. Synt hefur verið í Sundlaug Seltjarnarness, Sundlaug Vesturbæjar og frá árinu 2011 hefur Laugardalslaugin orðið fyrir valinu.

Stórmerkilegt viðtal við Guðlaug, sem tekið var tveimur dögum eftir slysið, má nálgast hér.

Smellið á myndirnar hér að neðan.